Är Froen zu eise Kichen
Service, Offert, Showroomen, Fabrikatioun a Montage: Hei fannt Dir d’Äntwerten op d’Froen, déi mir am meeschte gestallt kréien.
Service
Miwwel, Spullsteen, Krunn
Eng Dier oder eng Schaf muss nogestallt ginn, oder et gëtt e Problem mat der Aarbechtsplack, dem Spullsteen oder der Krunn? Da mellt Iech direkt bei eis:
+352 26 33 14 52
Elektroapparater
Bei Schäffchen, Kachplack, Hott, Spullmaschinn oder Frigo mellt Iech w.e.g. direkt beim Service vum Hiersteller. Nëmmen deen däerf un den Apparater schaffen.
- Siemens, Bosch, Neff, GaggenauTel. 28 80 703 ·
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein. Service mat Sëtz zu Miersch - AEG, ElectroluxTel. 42 431 301
- LiebherrGratisnummer 0800 5080 9000 ·
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein.
Aner Mark oder net sécher? Rufft eis un, mir soen Iech, u wien Dir Iech wende kënnt.
U wie wenden ech mech bei engem Problem no der Montage?
Fir Kichemiwwel, Aarbechtsplack, Spullsteen oder Krunn rufft Dir eis un (+352 26 33 14 52) oder schreift eis op
Mäin Elektroapparat ass futti. Wat maachen ech?
Mellt Iech direkt beim Service vum Hiersteller. Siemens, Bosch, Neff a Gaggenau: Tel. 28 80 703 oder
Äre Projet & Offert
Wien ass Le Couturier de la Cuisine?
Mir sinn e lëtzebuergesche Familljebetrib. Den Emile Engel huet en 1976 gegrënnt, an zanterhier plangen, verkafen a montéiere mir Kichen op Mooss. Zanter 2003 leeden den Andy Engel, de Jong vum Grënner, an de Gilles Buchler, zoustänneg fir Montage a Service, de Betrib zesummen. Eis Showroome sinn zu Bäreldeng (Lëtzebuerg) an zu Metz – Marly-Frescaty (Frankräich).
Ass d’Offert gratis?
Jo. No engem éischte Gespréich oder engem Besuch am Showroom maache mir Iech eng perséinlech Offert, gratis an onverbindlech.
Wéi leeft e Projet fir eng Kichen of?
Fir d’éischt schwätze mir iwwer Är Wënsch, Är Gewunnechten an Äre Budget. Duerno huele mir Mooss, plangen d’Kichen an 3D a schécken Iech eng detailléiert Offert. No der Bestellung installéieren eis Monteuren d’Kichen a stellen alles genau an.
Maacht Dir eng Planung an 3D?
Jo. Eis Beroder zeechnen all Projet an 3D. Esou gesitt Dir Är Kiche mat de Faarwen an dem Stauraum, ier Dir bestellt.
Kann ech eng Kichen online kafen?
Nee. All Kiche gëtt fir Äre Raum geplangt, dofir ass eis dat perséinlecht Gespréich wichteg: am Showroom, um Telefon oder per E-Mail.
Eis Showroomen
Wou sinn Är Showroomen?
Zu Lëtzebuerg: 204, route de Luxembourg, L-7241 Bereldange, mat gratis Parkplazen direkt virun der Entrée. A Frankräich: 9, rue de la Ferme Saint-Ladre, F-57155 Marly, bei Metz.
Wéini hutt Dir op?
Bäreldeng: Méindes bis Freides vun 9 bis 12 Auer a vu 14 bis 19 Auer, Samschdes vun 9 bis 12 Auer a vu 14 bis 18 Auer. Marly: Méindes, Dënschdes, Donneschdes a Freides vun 9 bis 12 Auer a vu 14 bis 19 Auer, Mëttwochs vun 9 bis 12 Auer a vu 14 bis 17 Auer, Samschdes vun 9 bis 12 Auer a vu 14 bis 18 Auer.
Kann ech ouni Rendez-vous laanscht kommen?
Natierlech. Wärend den Ëffnungszäite sidd Dir och ouni Rendez-vous wëllkomm. Fir eng ausféierlech Berodung oder eng 3D-Planung maacht Dir am beschten e Rendez-vous. Da gëtt et sécher e Beroder, deen Zäit fir Iech huet.
Wat gesinn ech an der Ausstellung?
Zu Bäreldeng sti ronn drësseg komplett ageriicht Kichen. Dobäi kommen iwwer 150 Fronten, vill Aarbechtsplacken, Elektroapparater vu Marke wéi Miele, Bosch, Siemens a Gaggenau, Kachplacke mat Ofzuch vu Bora an Dressingen op Mooss.
Eis Kichen
Wou kommen Är Kichen hier?
Eis Kiche ginn zu Vlotho an Däitschland fabrizéiert. Den Hiersteller ass bekannt fir seng Qualitéit, säin Design an déi vill Méiglechkeeten, eng Kichen individuell ze gestalten.
Wéi eng Stiler a Materialien hutt Dir?
All Stil: modern, schlicht, zäitgenëssesch, klassesch oder ländlech. Fronten aus Holz, Lack, Laminat oder techneschen Uewerflächen, Aarbechtsplacken aus Natursteen, Quarz, Keramik oder Granit, jee no Ärem Goût an Ärem Budget.
Kann ech d’Kiche ganz no menge Wënsch gestalten?
Jo. Moossen, Fronten, Faarwen, Grëff, Aarbechtsplacken, Innenausstattung a Beliichtung passe mir op den Zentimeter un Äre Raum an Ären Alldag un.
Wéi eng Elektroapparater baut Dir an?
Mir bauen Apparater vu Marken an, déi fir hir Qualitéit bekannt sinn, ënner anerem Miele, Bosch, Siemens, Gaggenau a Bora. Spullsteng, Krunnen an Hotte wiele mir passend zu Ärer Kichen aus.
Maacht Dir och Dressingen?
Jo. Dressingen an Abaumiwwel op Mooss plange mir vum selwechten Hiersteller wéi eis Kichen. Esou passt am ganzen Haus alles zesummen.
Montage & Service
Installéiert Dir d’Kichen och?
Jo. D’Montage maachen eis Monteuren, déi zanter ville Joren dobäi sinn. Koordinéiert gëtt se vum Gilles Buchler, engem vun eisen zwee Direkteren. Vun der Planung bis zur fäerdeger Kichen hutt Dir bei eis een eenzege Kontakt.
Schafft Dir och ausserhalb vu Lëtzebuerg?
Jo. Fir eis Clienten aus Loutrenge gëtt et de Showroom zu Marly. Ausserdeem plange mir Kichen am Rescht vu Frankräich an am Ausland, zum Beispill an der Bretagne, zu Bordeaux oder op der Côte d’Azur.
Këmmert Dir Iech och ëm de Service?
Jo, fir alles ronderëm Kichemiwwel, Aarbechtsplack, Spullsteen a Krunn: Mir stellen no oder wiesselen Deeler aus, dofir ass de Gilles Buchler zoustänneg. Heiansdo wiessele mir esouguer Scharnéiere vu Kichen, déi scho Joerzéngten al sinn. Bei Elektroapparater mellt Iech w.e.g. direkt beim Service vum Hiersteller (kuckt Service uewen op dëser Säit).